Ayodhya ni Ram mondir ni logi Tamilnadu ni Shri Ranganathaswamy mondir ni link tongo hinwi kok oh sai mano. Aboni bagwi no Ayodhya ni ram mondir phiyognani swkang 20 january eba chasalo ah mondir oh thangkha montri bokhorok Narendra Modi. Asalo Ranganathaswamy mondir oh thangphuru montri bokhorok Narendra Modi no naina bagwi lama kinaro kwbangma borok phaikha. Tei Ram joydhoni tei khomsarwi montri bokhorok Narendra Modi no lamsogwi naharkha Tiruchirappalli ni adongrok. Montri bokhorok Narendra Modi no gana manwi pujari no khobui kwbangma bwrwi rok no lamsokha bono. Montri bokhorok Narendra Modi no puila no montri bokhorok je Ranganathaswamy mondir o thango. Asalo mondir naimani logi mwtai bo rikha bo. Ranganathaswamy mondir o mwtai rimani yagulo aro ni kunki mayung no bo kholomkha bo. Ranganathaswamy mondir ni kunki mayung chiri khogwi montri bokhorok Narendra Modi no hamari rikha. Asalo Ranganathaswamy ni mondir oh songchajak Ramayan path bo khwna kha montri bokhorok Narendra Modi. Ayodhya mondir ni bagwi Ranganathaswamy mondir ni bwkhak twi shari no khobui kwbangma manwi khwnwi montri bokhorok Narendra Modi no yapharwi rikha pujari rok. Montri bokhorok bo ah manwi rok no borom riwi nakha.
Bangladesh ni habarno twi Joe Biden bai phone twi koksakha Modi
Sal nwi swkang Poland tei Ukraine o beraina bagwi thang mani montri bokhorok Narendra modi.hakotor o kiphilmani ulo no montri...
