Ayodhya ni ram mondir no phiyognano kitingwi montri bokhorok Narendra Modi ni dagimung bai hangrai ni salni simi 22 january jora hakotor ni joto mondir no sap sutra khwlaijagwi tongo. Aboni logi swachh bharat abhiyan khwlaina bagwi bodol ni sipai rok no kok kwcharkha bo. Phasalni phungo aulini Dhaleshwar ni ram mondir ni Sadhana Kutir ashram ni swachh bharat abhiyan oh manjakha pradesh BJP ni president Rajib Bhattacharya. Mondir sap sutra khwlaimani yagulo koktwma thumnai rok ni bwskango bo sakha, Ayodhya o ram mondir phiyogmano kitingwi 9-Banamalipur mondal ni sipai rok no twiwi swachh bharat abhiyan oh manjakha. Ram mondir phiyogmano kitingwi Tripura sarkar ni bwkhak twi phainai 22 january ni salmario half suti sakhwlaimani bagwi haste ni montri okra Dr.Manik Saha tei haste haphang no hambai yapharkha pradesh BJP ni president Rajib Bhattacharya. Asalni swachh bharat abhiyan oh manjakha bono karwi bo manjakha 9-Banamalipur mondal ni president Chandra Sekhar Deb, councillor Sima Debnath no khobui kubuni adongrok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
