Haste ni joto thai ni loku rok ni bagwi wansugwi bharatiya janata party ni tabuk ni haste hapang samwng khwlai tongkha, oh hapang ni raida tei lama phunokma kahai khe no tong kosong lokurok ni bagwi samwng khwlai tong kha naikolnai rok. hakotor ni montri bokhorok Narendra modi ni naikol mwng o bharatiya janata party hapang ni samwng nugwi sal burum burum no haste ni dal bidal thai ni simi kebeng nai bodol yakarwi BJP bodol bai gwdal phai tongkha, sangrong salobo abo hai no mangpili nukjak kha fatikrai o. ah salo fatikrai mandal gana telia 7 no.booth ni luajimung bai songsa jak mani kaisa sabha o tham chi sini nwkhung ni 127 jona voter BJP bodol bai phawi gwdal phai kha, ah salo borok ni yago bodol n bana bai khwlawi lamsogwi nahar kha montri Sudhangshu das. ah salni sabha o kok narugna phuru ram mandir ni laibuma no twi kok samani nukjak kha haste ni malmata, ahh tang bedek ni montri Sudhangshu das no.bo saklaikha, ah ram mandir swnam nani bagwi thwi thang nai montri bokhorok Atal bihari vajpayee ni jora ni simi no choba khwlawi phaimani, phiya ba ah jora o congress hapang kebeng mwng khwlaikha, phiya ba abo hai jora rogo phano kendra o BJP hapang swnam jak mani ulo ayodhya ni ram mandir swnam nani samwng bwtang songsai rwjakha. abo rok no phai tong nai 22 january ram mandir songsa jak nani nai tong kha, phiya ba kebeng nai rok abo rok no twi bo swng mwng tisai tongkha. loku rok sai mankha kaham khe hakotor tei haste rogo BJP hapang no kaham samwng khwlaikha, ah salni panda o abo no phunokmwng.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
