Sangrong salo Fatikroy Ambedkar college ni 2nd year tei 3rd year ni rwng swrwngnai-swrwngnaijwkni luajimung bai fresher rok no lamsogwi naharmani panda songchajakha. Asalni pandao manjakha haste ni maalmata tangbededni montri Sudhangshu Das, bwkhaste hangkhor ni president Amalendhu Das, panchayat samitini chairman Sumati Das, college ni principal Dr. Subrata Sharma no khobui kubuni adongrok. Asalni pandao kok narukna thangwi montri Sudhangshu Das sakha, swkangni salo internet ni simi chengsawi kubuni sep sap rok bo aswk kwrwi tongmani, rwng swrwngnai swrwngnaijwk sng rwng swrwngmao aswk development wngjak yapri manya, phiyabha tabok chwng Amritni jorao tongo, tei oh jorao rwng swrwngnai swrwngnaijwk sngni kwbangma kwtal kwtal sep sap tongo. Aboni bagwi oh kwtal sep sap rok no bowi ma twlangnai hinwi sakha bo. Thinangni langmao kwbangma kebengmung phainai oh kebengmung no solaiwi no sak baithangni yakungno kwrak khwlaina bagwi joto rwng swrwngnai swrwngnaijwk sngno koikha montri Sudhangshu Das.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
