Montang amchai gwnagui habar tungphwla laijak, kwbangma loku rok thansa ungwi lama kasu lai mani bagwi dam nwi dam tham romwi kwbang police tei bolong tang bedek ni CRPF seng kwrak rok bo pati mwng thaio thangwi sogwi kha. kisa jora ni bising o Teliamura bwkhaste gana montang valley joto khowai hangkor gwnagui no haste ni berai khwrai thai hwnui loku rok ni thani sini mwng mankha.montang no naina bagwi sal burum burum no joto haste ni dal bidal thai ni simi kwbang loku rok no thang mani bo nukjak oh. phiya ba montang je thai o abo naina bagwi dal bidal thai ni loku rok kwthumlai mwng khwlai oh, tabuk khe ah thai no twi kok banglai tong kha. bolong tang bedek ni samwng khwlai nai rok ni kok silsamwng, sarkari thai illegal bai nawi amchai ni loku rok bania khwlai tongkha. abo rok administration ni bwkhak twi naikol mani ulo sangrong salo no bolong tang bedek ni samwng khwlainai rok CRPF ni kwbang nai mwthang bodol no twi pati mwng thai o thangwi sogwi khe kok banglai mani nukjak kha amchai ni loku rok bai .kaisa jora oh khe nai mwthang bodol no amchai ni loku rok kebeng mwng khwlai kha tei borok ni malkhung rogo choprob kha. phiya ba bolong tang bedek tei CRPF ni kwbangma nai mwthang bodol je phuru Hemanta reang ni mwngui khorok sa illegal kath ni bania khwlai nai no romwi Montang yakarwi Telaimura ni phasing phawi tong mani ah phuru no borok no rangitila ni mwngui amchai o kath ni log kihibwi malkhung no romkha kwbangma amchai ni loku rok. habar no tong kwchang khwlainani bagwi Teliamura tei mungiyakami ni kwbang nai mwthang bodol pati mwng thaio thangwi sogwikha, pati mnwng ni koktwma manwi thangwi sogwi kha mungyakami tei teliamura thana ni OC tei teliamura bwkhaste police naikolnai Sudambika R.phiya ba pati mwng no twi habar tong kwchang ung nani bwsuk jora nang nai abo rok tabuk phano sawi manya kho.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
