Sal kisa ni yagulo no montri bokhorok Narendra Modi ni yak ramwi Ayodhya ni Ram mondir no phiyogwi rijaknai. Aboni sai swkangno montri bokhorok ni dagimung bai 14 january ni simi 22 january jora salbrom no hakotor rwgwi saphai khwlainani bagwi yapri naharkha Bharatiya Janata Party. Ram mondir ni logi hakotor ni kubuni Tirthamukh rago sap sutra khwlainani bagwi dagikha hakotor ni montri bokhorok Narendra Modi. Phainai 22 january ni salmari jora salbrom no 2-3 hour ni bagwi saphai abhiyan oh manjaknai bodol ni sipai rok. Kendra tei haste haphangni joto hamkrai ni projects rok no joto lukorogni nog nogo sagwi rina bagwi tei Ram mondir no kitingwi koklam panda songchajaknai, tei Ram mondir no nainani bagwi lukorog no kha-thangsariwi tongo BJP ni MLA, montri tei sipai rok. Kwrak salo aboni bagwi no Agartala Ker Chowmony ni Shivkali mondir ni saphai khwlaimao manjakha haste ni montri okra Dr.Manik Saha. Asalni saphai khwlaimao montri okra no karwi bo manjakha pradesh BJP ni editor Papiya Datta, Agartala municipal corporation ni mayor Dipak Majumder no khobui kubuni adongrok. Montri bokhorok Narendra Modi ni kobokmungno borom riwi sak baithangbo saphai abhiyan oh ongkhormani logi haste ni joto lukorog no bo oh kwthar samung bwtango ongkhorna bagwi koikha montri okra Dr.Manik Saha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
