‘Swachh Bharat’ abhiyan ni joto ni sai best award mankha Agartala municipal corporation. Bharat hakotor no sap sutra khwlaina bagwi hakotor rwgwi no ‘swachh bharat’ abhiyan songchakha montri bokhorok Narendra Modi. Ah abhiyan oh manjagwi participate khwlaikha Agartala municipal corporation. Joto municipal amchai no sap sutra khwlaina bagwi bisi sa ramwi kwbangma panda oh swachh bharat abhiyan khwlaikha tei tabok bo khwlaiwi tongo Agartala municipal corporation. Thanai 11 january oh Union Urban Development ni luajimung bai New-Delhi oh kaisa panda ni bising twi joto ni sai sap sutra city hinwi best award mankha Agartala municipal corporation. Thanai 11 january ni salmario Agartala municipal corporation ni bwkhak twi oh sokat no yachakha Agartala municipal corporation ni deputi mayor Manika Das Datta tei Additional commissioner Mohammad Sajjad. Kwrak salo municipal ni conference hall o kaisa kokthum panda khwlaiwi abono twiwi sak baithangbo ah kok rok no sakha Agartala municipal corporation ni mayor Dipak Majumder. Asalni kokthum panda o bini logi tongkha deputi mayor Manika Das Datta tei municipal ni additional commissioner Mohammad Sajjad. Asalo mayor sakha, lukorog ni hamkrai ni bagwi sak tharwi samung khwlaiwi tongo Agartala municipal corporation. Agartala city no naithothok khwlaina bagwi bisi sa ramwi kwbangma panda ni swkang swachh bharat abhiyan khwlaiwi tongo Agartala municipal corporation.. 2018 bisi oh Municipal corporation ni committee ni barja manmani yagulo teibu hujak wngwi samung khwlaikha Agartala municipal corporation. Aboni bagwi no swachh bharat abhiyan oh joto ni sai best award mankha Agartala municipal corporation. Oh abhiyan oh aulini 50% borok simi se manjakkhu, aboni bagwi joto aulini lukorogno swachh bharat abhiyan oh manjakna bagwi koikha mayor Dipak Majumder. Agartala municipal corporation ni luajimung bai phainai salo auli rwgwi swachh bharat abhiyan tongnai hinwi sakha mayor Dipak Majumder.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
