Hakotor ni montri bokhorok Narendra Modi ni luajimung bai hakotor rwgwi no ‘Swachh Bharat’ abhiyan songchajakha. Phasalo aboni wngwi no haste ni kwbangma thaio abhiyan khwlaijakha. Kwbangma panda o waire wai ‘Swachh Bharat’ abhiyan khwlaiwi tongo Agartala municipal corporation. Tabokni haste haphang waire wai no Swachh Bharat’ abhiyan khwlaina bagwi nangkukmani yapri naharwi tongo. Takwlai bisi ni ‘Swachh Bharat’ abhiyan khwlaimao hakotor ni bisingo joto ni sai best sokat mankha Agartala municipal corporation. Sangrong salo New-Delhi ni kaisa conference hall o kaisa panda ni bising twi sokat rijakha. Agartala municipal corporation ni wngwi sokat nakha Agartala municipal corporation ni deputi mayor Manika Das Datta tei Additional Commissioner Mohammad Sajjad. Phasalo abono twiwi sak baithangni kok pirokmung rikha Agartala municipal corporation ni mayor Dipak Majumder. Bo teibu sakha, lukorog ni hamkrai ni bagwi sak tharwi samung khwlaiwi tongo Agartala municipal corporation. Agartala city no naithothok khwlaina bagwi bisi sa rwgwi ‘Swachh Bharat’ abhiyan songchajakha. 2018 bisi o BJP haphang phaimani yagulo teibu sak tharwi samung khwlaiwi tongo Agartala municipal corporation. Aboni bagwi no ‘Swachh Bharat’ abhiyan oh joto ni sai best sokat mankha Agartala municipal corporation. Agartala municipal corporation ni luajimung bai phainai salo auli rwgwi no swachh bharat abhiyan tongnai hinwi sakha Agartala municipal corporation ni mayor Dipak Majumder.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
