Loksobha chongmari no bwskango toniwi ‘namo’ app mungwi salsani kaisa samung bwtang panda songchakha haste ni BJP bodol. Sal kisa ni yagulo no Loksobha chongmarini sal sakhwlaijaknai, tei hai no hai Narendra Modi no montri bokhorok swnamna bagwi kwbangma samung bwtangni yapri naharkha BJP bodol. Aro ni bisingo kaisa wngkha social media ni bising twi kokpirmung. Tabokni jorao joto ni sai kokpirmungo nangkukmani yakumu narwknai social media. Oh social media no samungo phwnangwi BJP bodol ni lukorog hamkrai samung bwtang rok no lukorog ni bwskango tisana bagwi ‘namo’ app no chengsawi rikha montri montri bokhorok Narendra Modi. Tabok ah ‘namo’ app no twiwi salsani samung bwtang panda ni yapri naharkha haste ni BJP bodol. Sangrong salo aulini Krishnanagar ni pradesh BJP ni habanogo asalni samung bwtang panda songchajakha. Asalni pandao manjakha pradesh BJP ni president Rajib Bhattacharya, BJP IT Cell ni central convonor tei BJP ni yubha morcha ni kendra ni secretary. Asalni panda paimani yagulo koktwma thumnai rok ni bwskango asalni samung bwtang panda no twiwi swbai sukurwbwi sai khwna rikha pradesh BJP ni president Rajib Bhattacharya. Asalni samung bwtango joto hangkhor ni IT Cell ni convenor rok manjakha hinwi saimankha
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
