Tripura bidhansabha ni winter session ni sal bwri ni salo mata Tripura sundari open university ni bill no sakhwlaikha haste ni montri okra Dr.Manik Saha. Udaipur bwkhaste ni Tripureshwary mondir ganao 5.2 akor thaio university swnamjaknai Himalayan Universal mungwi New-Delhi ni kaisa songstha. International private oh university o kuchuk beremni swrwngwi swrwngwi manai haste ni rwng swrwngnai sng. University ni tangphang borok ni naikolmung bai no university chaloknai. Aboni bagwi 1 crore rangni kaisa fund tongnai haste haphang ni thani. Jora ni logi logi Vocational education ni bagwi mata Tripura sundari open university kaisa nangkukmani yakumu naharnai hinwi kha khwlaikha haste ni montri okra Dr.Manik Saha. Joto MLA tei MLA-jwk sngni manimung bai no oh bill no pass khwlaina bagwi koikha bo. Asalni session oh manjagwi kebengnai bodolni ojama Animesh Debbarma sakha, jerok university swnamna thangwi tongo, borokni qualification twda tong aborok no cherwi naina nangnai. Aboni logi university ni tangphangni thani NAAC tei AIU ni certificate twda tong aborok no cherwi naina nangnai. Mata Tripura sundari open university ni bill no kebengwi congress ni MLA Sudip Roy Barman sakha, university ni tangphang rok ni Acceptance tei background check khwlaina nangnai. Oh bill no select committee ni thani rahorna bagwi koikha bo. Oh bill no twiwi waire wai kebengnai bodol rok ni joto objections no Reason phunugwi swbaiwi rikha haste ni montri okra Dr.Manik Saha. Kebengnai bodol rok ni sanmungno maniya ni bagwi bidhansabha o kok banglaikha. Aboni bagwi swrang salo borok ni sanmungno maniya ni bagwi bidhansabha ni walk-out khwlaikha CPIM tei congress bodol ni MLA rok. Aboni yagulo kwbangma vote manwi Mata Tripurasundari open university ni bill bidhansabha o pass wngkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
