Haste ni montri okra Dr.Manik Saha ni twidulmung bai haste o salbrom no phekjakai manwi ni naichermungo ongkhorwi tongo police. Kwrak salo 35 lakh rangni Yaba Tablet romkha salgwra hangkhor ni police. Kwrak salo salgwra hangkhor ni police super Bhanupadh Chakroborty ni twidulmung bai huijak koktwma ni bising twi Dharmanagar ni Kalibari poskini o khorok nwi borok no khobui 35 lakh rangni yaba tablet romkha Dharmanagar thanani OC Nadugopal Deb. Tei khorok sa borok bike twiwi kharkha hinwi sakha police. Romjaknai khorok nwi ni mung wngkha Baharuddin tei Sultan Ahmed. Borok khorok nwi ni nog Assam haste o hinwi saimankha. Borokni yagu naicherwi bebagwi 7 thousand yaba tablet mankha. Salgwra hangkhor ni police super Bhanupadh Chakroborty sakhwlaikha, oh yaba tablet belai no hamya. oh tablet kaisa chakhe no saltham jora twi phekgwi tongo borok rok. Kwrak salo huijak koktwma ni bising twi naicherwi 35 lakh rangni yaba tabket romkha Dharmanagar thanani police. Borok no kebengwi NDPS mamla khwlaijakha hinwi sakha salgwra hangkhor ni police super Bhanupadh Chakroborty. Kharnai khorok sa no romna bagwi amchaini lukorogni chubachu sankha Dharmanagar thanani police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
