Bharatiya sastri sangeet ni athokiri padma shri Ustad Rashid Khan kwrak salo mwtai chalangkha. Mwtai chama salo bini omar 56 hinwi saimankha. Thanai bisi kolokma ramwi Prostate cancer manjakha bo. Sal kisa swkangno stroke wngkha bo. Aphuru ni simi no bini sak teibu hamya wngwi phaikha. Thanai sal kisa ramwi salchi Kolkata ni kaisa private sakham nogo admit tongmani bo. Kwrak sal sarikphangni 3.45 pm o aro no mwtai chakha ustad Rashid Khan. Bini bihik, khorok nwi bwsajwk tei khorok sa bwsala no yakarwi kwlangkha. Patimungni koktwma manwi sakham nogo thangkha West-Bengal ni montri okra Mamta Banerjee. Bo sakha, Rashid ani bwphayung hai, hayung rwgwi no bini mung pirjak. Bangla no hamjagwi Banglao no tongkha. 1958 bisi ni 1st July ni salmario Uttarpradesh ni Badyunt oh achaikha Rashid. Rampur-Saswan Gharana ni artist tongmani bo. 11-12 omar oh Kolkata o phaikha bo. Sangeet research academy ni schoolarship no twiwi dadu Nisar Hossain ni thani rwchapmung swrwngkha bo. Kendra haphangni bwkhak twi Sangeet natok academy sokat, padma shri, padhma bhushan mankha, aboni logi bangla o mankha Bangavibhushan sokat mankha. Bollywood tei Tollywood ni kwbangma toke oh rwchapmung rwchapkkha Ustad Rashid Khan.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
