Bharat hakotor ni joto lukorog no kendra haphangni joto sep sap rokno rina bagwi thanai 15 november ni salmario hakotor rwgwi no ‘bikasita bharat sankalp yatra no chengsawi rikha montri bokhorok Narendra Modi. Oh yatra ni bising twi hakotor ni joto lukorog bwswk jora twikhe haphangni sep sap manwi tong, aborok no cherwi naina bagwi thanai 30 november, 9 december, 16 december tei 27 december ni salmario video conference ni bising twi bikasita bharat sankalp yatra’ ni bising twi kendra haphangni sep sap manai rok bai koklam sakha hakotor ni montri bokhorok Narendra Modi. Tangsalo hai no hai video conference ni bising twi haphang ni sep sap manai rok bai koklam sakha montri bokhorok. Asalo Bishalgarh ni Laskar Chowmony oh amchaini lukorog bai montri bokhorok ni panda naikha haste ni kwcham montri okra eba rajyasabha ni MP Biplab Kumar Deb. Asalo bini logi tongkha amchaini BJP ni sipai rok no khobui kwbangma bwrwi bodol rok bo manjakha. Hakotor ni paithak lukorog ni nog nogo kendra haphang ni joto sep sap rok no sagwi rina bagwi no bikasita bharat sankalp yatra no chengsawi rikha montri bokhorok Narendra Modi. Oh yatra ni bising twi hakotor ni lukorog bwswk jora twi haphangni sep sap mankha aborok no cherwi naina bagwi no hakotor ni lukorog bai koklam salaiwi tongo montri bokhorok Narendra Modi.
Bangladesh ni habarno twi Joe Biden bai phone twi koksakha Modi
Sal nwi swkang Poland tei Ukraine o beraina bagwi thang mani montri bokhorok Narendra modi.hakotor o kiphilmani ulo no montri...
