Montri bokhorok Narendra Modi Lakshadeep o thangmano twiwi kebengmung phunukkha Maldives ni montri Maryam Sheuna. Abono twiwi thanai sal kisa ramwi kok banglaimung choliwi tongo. Koktisalo abono twiwi Maldives ni haphangni thani wansukmung phunukkha Bharat. Maldives ni haphang bo sakhwlaikham montri ni kok samung abo borok ni haphangni raida no maniya hinwi sakha. Phiyabha jeswk khoti wngnani wngwi no paikha. Social media ni bising twi Maldives oh thangnani Boycott khwlaina bagwi koikha Bharat. Khursathai kwlaio, Bharat hakotor ni maximum lukorog no Maldives naina bagwi thangwi tongo. Bollywood celebratino khobui kwbangkuk lukorog no gorina thango Maldives oh. Report no rwgwi 2023 bisi o joto ni sai kwbang bharat hakotor ni lukorog no Maldives o thangkha. Phiyabha Maldives ni montri ni social media oh post- no nogwi situation tottaly change wngwi thwikha. Phiyabha sudu Maryam Sheuna simi kok saya, bono karwi bo aroni haphang ni sebok rok Modi no kebengw kok sakha. Aboni bagwi no Maldives no boycott khwlaina bagwi kobokkha Bharat hakotor ni lukorog. Swkangni simi kwbangma lukorog Maldives o thangnani bagwi planing khwlaiwi tongmani, phiyabha social media oh Maldives ni post-nukmani yagulo, bharat hakotor ni lukorog plane ticket cancel khwlaibaikha, tei hotel booking no joto no cancel khwlaiwi social media oh sreenshot rikha bharat hakotor ni lukorog. Maldives no boycott khwlaina bagwi trend khwlaiwi tongo.
Teisa bangladesh ni habar tungphulaijak
Teisa habar tungphulai jak bangladesh o, tabuk khe tungphula lai mani nukjak kha dhaka o. job no twi sal nwi...
