khowaini simi 38 km hakchalo wngkha hasteni mung gwnang hathai kotorni eco park. Jot phaisingtwi oh park oh nogwi mano chwng bolong simi. Ah bolong rogno eco park naitho thok khwlaiwi tisao. Maisingni jorao eco park oh haste kwbangma thaini simi kwbangma lukurph picnic khwlainai phaio. Eco park no tei kaham khwlaina bagwi aroni twio rongni sep rina bagwi yapri nahar kha khowai bolong tang bedek. Cha salo kaisa pandani bisingtwi eco park ni bagwi kai nwi rong rijak kha bolong tang bedekni bwkhaktwi. Ah salni pandao manjak kha teliamura bidhansabha kendra ni MLA jwk Kalyani roy , khowai hangkhorni bolong tang bedekni okra naikulnai Akshay B Bordey , teliamura bwkhasteni bolong tang bedek naikulnai Sabir kanti Das no khobwi kubuni adong rog. Ah salo koktwma thumnai rogbai malaiwi MLA jwk Kalyani roy sakha , Tripura hasteni bolong rogno samungo phwnangwi naithok berai Khiri swnamani bisingtwino Tripura tourism no kaham khwlaina bagwi chaitukgwi tongo haste haphang. Phainai sal kisani bisingo eco park stall rogbo phiyokjaknai hinwi sakha MLA jwk. Ah stall rog self help groupni bwrwini rogni wngnai wngwi sakha bo. ah salo rongo kwsai eco parkni amchai rogno kaham khe beraiwi naikha MLA jwk Kalyani roy. Koktwmao saimankha khok rang bachi eba 50 taka rang baino rong kwsai manai lukurog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
