Kwchang mani kwbang ungwi tong mani logi o siyari bo kwbang ungwi tong kha tei lahar pati mwng bo thagya ungwi tong kha haste rogo. pha sal ni horo dharmangar aguli o pati mwng thang kha kai nwi lahar pati mwng, tei sago dukhu mankha khorok bwrui loku rok.puila ni pati mwng patikha hor ni dam char o dharmanagar ISBT bwskang o. bagbasha ni simi dharmangar ni phasing phawi tong mani khung sa auto tei dharmangar ni simi bagbasha thangwi tongmani khung sa bike bai thutai laikh, ah thutailai mani o bike chalugnai ayush chakraborty tei Digbijoy das sago dukhu mankha. ah pati mwng ni koktwma manwi phawi sokphai kha hor bwthar nai tang bedek ni samwng khwlai nai rok, phawi sago dukhu man nai rok no salgwra hangkor sakham nogo twlang thang kha, phiya ba ah pati mwng ni simi auto chalugnai pati mwng thai ni kharwi thang kha hwnui saiman kha. ah sal oh ni hor ni dam chi tamwi sati tham hi o teisa lahar pati mwng patikha dharmanagar juri twisa bridge gana amchai o.horo ah lama twi khwlawi khorok nwi khorok tham borok thangwi tong mani o nugwi mankha khorok nwi borok lahar pati mwng o khwlawi sago dukhu mankha, logi logi no koktwma rwkha hor bwthar nai tang bedek o, hor bwthar nai tang bedek ni samwng khwlai nai rok phawi sago dukhu man nai rok no hangkor ni sakham nogo twlang thang kha, phiya ba bomtwi khe pati mwng patukha abo rok tabuk phano sai manya kho.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
