Raida chayatwi manwi phalnai rogni bagwi hamya wngwi tongkha maharajganja hati. atomsa khe bangwi thangkha mairomni hati dor . hamya kwcham mairomni logio kwtal mairom kaham no sabulwi phaljakgwi tongkha maharajganja hati oh. omo hai dal bi dal ni kok silsamungni bagwi swrang salo maharaj ganja hati thangwi naicherwi kha bwkhaste chamung tang bedekni okra naikulnai rog. mairomni hamya halokno nukgwi jora kisa romwi jolijak tongmani amchaini kwbangma lukurog. dor kwbango hamya mairom phaljakma bagwi jolijak amchaini lukurog.amoni bagwi mairomni halok rogno kaham khwlaina bagwi tei dor rogno khamao khiklaina bagwi tabok hati thangwi sogwi kha chamung tang bedekni naikulnai rog. swrang salo maharajganja hati kwbangma phal nogo naikulkha chamung tang bedek . ah jorao naikulma yagulo pramod ranjan saha mungwi khoroksa bania khwlainai ni phal nogo naicherwi nukgwui mankha kaham tei hamya mairom no thansa khe tonijak bo. ah mairom rogno sabulwi kwtal khe packeging khwlaijakgwi tongkha . phiya pramod ranjan saha ni thanio packeging ni license kwrwi. amo no karwibo pratapghar hatio 180 kg ration ni mairom bo manjak kha. hatio omo hai khe hamya raida twi bania khwlainai rogno kebengwi kwrak yapri naharjaknai hinwi saimankha. ah salo naichermung thangkha DCM Brajendra Tripura , chamung tang bedekni okra naikulnai Pradip kumar bhowmik ni logi kubuni ojama rog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
