Bwskangono loksobha chongmari. Tei oh loksobha chongmarino bwskango toniwi salbrom no bwskango agugwi tongo BJP bodol. Phainai loksobha chongmario hai no hai BJP bodol no kwplai khwlaina bagwi chongmari phaiya sini swkangno ongkhorkha BJP bodol. Bodolno teibu kwrak khwlaina bagwi kwbangma samung bwtangni yapri naharkha BJP Bodol. Loksobha chongmarini swkang bodol ni samung bwtang rok no cherwi naina bagwi kwbangma samung bwtangni yapri naharkha tei bodol ni kuchuk berem ni ojama rok no twiwi thanai 2023 bisi ni 22-23 december ni salmario koklam o achukkha montri bokhorok Narendra Modi. Aboni wngwi no tabok haste ni BJP bodol ni samung bwtang rok no cherwi naina bagwi BJP Tripura pradesh ni luajimung bai swrang salo kaisa koklam panda songchajakha. Aulini Bhagat Sing Hall o asalni panda songchajakha. Asalni pandao manjakha haste ni montri okra Dr.Manik Saha, pradesh BJP ni president Rajib Bhattacharya, pradesh BJP ni general editor Amit Rakkhit, kwcham yakchu montri okra Jishnu Debbarma, Tripura haste ni bodol ni maha montri Rabindra Rajuji tei joto montri tei MLA rok no khobui bodol ni sipai rok bo manjakha. Asalni panda chengsamani yagulo koktwma thumnai rokni bwskango pradesh BJP ni president Rajib Bhattacharya sakha, bodol no teibu kwrak khwlaina bagwi thanai december talo kendra ni kwchuk berem ni ojama rok no twiwi songchajak panda je samung bwtangni yapri naharjakha, swrang salo aborok no twiwi koklam wngkha hinwi sakha bo. Asalni pandao sak baithangni wansukma rok no sawi khwna rikha pradesh BJP ni general editor Amit Rakkhit. Asalni panda paimani yagulo haste ni kwcham yakchu montri okra Jishnu Debbarma sakha je, Bharatiya Janata Party kaisa ganatantrick bodol. Aboni bagwi no bodolni kwbangma yapri naharmao montri tei MLA rok ni jeswk adhikar tongo, bodol ni sipai rok ni bo aswk no adhikar tongo hinwi sakha hinwi sakha bo. Aboni bagwi no montri, MLA tei haste ni bjp bodolni sipai rok no twiwi swbai sukurwbwi koklam salaina bagwi no tini oh panda songchajakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
