Tripura haste bidyot nigam limited ni phil nwi chi chengsa jak mani sal no kitingwi dalbidal samwng bwtang yago nahar kha haste bidyot nigam limited ni bwkhak twi. abo no kitingwi no tang salo rajkhor aguli ni banamalipur gana pherang tang bedek ni haba nogo kaisa sakham naikol mwng ni sibir songsai rwjak kha, ah salni panda no songsai rwkha pherang tang bedek ni montri Ratan lal nath, bono karwi bo phawi manjak phai kha agartala pura nigam ni mayor Dipak majumdar, ah salo songsai rwjak mani ulo kokthum thumnai ni bwskang o montri saklai kha, sak kaham tong khe,joto samwng no kaham ung nai, tei nigam ni joto samwng khwlai nai rok ni kok rok mwitu tonwi saknaikol mwng ni panda songsai rwjak kha, abo ni logi haste ni chung phereng ni sep no teibo bwskang o twlang nani bagwi phai tong nai sal rogo pherang tang bedek ni dal bidal samwng bwtang no twi kok salai kha, bo teibo sakha 2024 bisi ni bising o joto haste gwnagui pherang tang bedek ni joro haba nok tong mani abo rogo Solar plate achugwi rwjak nai, abo no karwi bo haste no economy ni bwkhak twi teibo kwchug o karwna ni bagwi haste o battery storage pump swnam nani bagwi bo nai tong kha. sathai kwlai o, ah sibir o haste ni mwng gwnang saknaikol nai ni logi phatar haste ni mwng gwnang saknaikol nai rok bo phawi manjak phai kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
