Tong thai nogo hor rwoi bihik tei khorok tham bwsajwk no bwthai nani nai mani o bwsai no romkha police. sathai kwlai o, bwsai satug mwng khwlai mani bagwi bukra bari yakarwi khorok tham bwsajwk no twi sak ni bupha ni nogo tongwi tongmani salgwra Tripura hangkor dharmanagar thana bai khobjak algapur kami ni 4 no. ward ni tong nai Namita chakraborty, sal burum burum ni kahai thanai 29 december salmari ni horo bo nogo no mai chawi rokwi tong mani.phiya ba atomsa khe amchai ni loku rok ni chirig mani khorang khwnawi nok ni simi ongkhorwi nugwi mankha bini nogo hor soksai rwkha. dati khe koktwma rwkha dharmanagar hor bwthar nai tang bedek o. hor bwthar nai tang bedek ni samwng khwlai nai rok phawi kai nwi engine tei amchai ni loku rok ni sep bai hor rok bwthar man phano tong thai nok joto no khamwi thapla chakha, ah pati mwng o Namita chakraborty saklai kha, samwng khwlawi rang aji oi sak ni khorok tham bwsajwk no pora lekha khwlai rwkha. phiya ba abo rok nugwi tongwi manliya bwsai, tei jolilawi bini tong thai nok hor rwoi soksai rwkha bwsai Biplab chakraborty, tei abo puila ya, abo ni swkang bo wai nwi wai tham bini bihik tei bwsajwk song no bwthar nani nai kha bwsai. ah pati mwng no twi bwsai ni phasing dorbar khwlai kha bihik Namita chakraborty, abo ni ulo amchai ni no thana ni police ah pati mwng no cherwi naikolwi kokti salo unakoti hangkor kumarghat thana bai khobjak ashram palli nok ni simi samwng hamya khwlai nai bwsai Biplab chakraborty no romkha. ah pati mwng o romjak nai no tang salo dharmanagar hangkor tei daira adalat o tisa jak nai hwnui saklai kha police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
