Kaham habar tong khe haste oh joto samwng no kaham ung o.haste ni club rok abo no phunokgwi rwkha, club ni naikol mwng kwbang no tong nani nang o, haste hapang bo club rok no bwskang o tonwi samwng khwlai nani nai oh. hoda no mwthang nani bagwi phekjak nai manwi ni phasing kebengwi bacha nani nang nai tei club ni chuba mwng bo nang nai, cha sal ni sanja jora rajakhor aguli ni rabindra satabarshiki bhavan o agartala pura nigam ni bwkhak twi songsa jak mani ‘Sarad Somman’ ni panda o kok narugna phuru abo hai khe no saklai kha haste ni montri okra Dr.Manik saha. Agartala pura nigam ni luajimung bai ah salo pura nigam amchai o kai nwi chi sa club no sokat bagwi rwjak kha. ah salni panda o phawi manjak phai kha haste ni thang laisu tang bedek ni montri Sushanta chowdhury, agartala pura nigam ni mayor Dipak majumdar, deputy mayor Manika das dutta, hoda naikol nai Rajib bhattacharjee akosong. panda o kok narugna phuru haste ni thanglaisu tang bedek ni montri Sushanta chowdhury saklai kha, haste ni joto dharma ni ter o no chung kaham khe songsalai o. bo teibo saklai kha, haste ni administration rok ni luajimung bai kaham khe no OSA mwtai lai kha. dal bidal club bo logi rikha. abo ni bagwi club ni naikol nai rok no bo hambai yahar kha Panda o phawi kok narugna phuru agartala pura nigam ni mayor Dipak majumdar saklai kha, taklai bisi o haste ni tong kosong loku rok hopung aiewi no osa mwtai naikha, mwng sa bo hamya pati mwng patiliya haste rogo, abo haste hapang ni no naikol mwng, club rok bo logi rwkha joto samwng rogo no. sathai kwlai o,OSA mwtai no kitingwi rajakhor agulini ni kwbangma club ri-chum bo bagwi rwkha, tei hoda ni dal bidal samwng o logi rikha,abo ni bagwi club ni naikol nai rok no hambai yaphar o hoda naikol nai Rajib bhattacharjee. ah sal ni panda o agartala pura nigam ni bwkhak twi haste ni montri okra Dr.Manik saha tei hoda naikol nai Rajib bhattacharjee no kha kaham memorial yapharwi rwkha mayor Dipak majumdar, abo no karwi bo panda o pura nigam amchai ni kai bwrui ward no sokat rwmani bo nukjak kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
