Khak sa phasing khe dalbidal samwng bwtang ni bising twi tong kosong loku rok no joto sep rwna ni chaitog jak tabuk ni haste hapang. ah jora no bachawi kebeng nai bodol ni adong song bai thansa ungwi sarkari samwng bwtang ni bagwi rwjak mani manwi khwnui khok mani sikok no logi rwoi hapang no dermwng rogo khiklai tong kha khorok nwi khorok tham bodol ni adong. satai kwlai o, sarkari sep bai 10 crore rang bai khwlawi dharmanagar kadamtala block gana sarala kami o swnam tong kha water plant. phiya ba ah water plant swnam nani bagwi cement khogwi twlang thang kha amchai ni Bipul nath. ah pati mwng no twi amchai ni loku rok saklai kha, lai thanai 25 december salmari ni horo amchai ni tongnai Bipul nath ni mwngui khorok sa borok sarkari samwng ni cement malkhung o khwlawi tisai twlang thang kha, ah jora samwng ni anikol mwng o tong nai rok kebeng mwng khwlai khe borok no bwthar khibnai hwnui humki rwkha. ah pati mwng sai mankhe no koktwma rwjak kha kadamtala thana o, koktwma manwi police pati mwng thai o phawi Bipul nath no romwi thana o tubwi phai kha phiya ba naikolnai bodol ni panchayet samiti ni ojama Bisawjit deb tei CPIM niadong Nirendra nath thansa ungwi romjak nai cement sikok no thana ni simi yakarwi twlang kha. abo simi ya, abo ni ulo khok jak mani pati mwng no singkiligwi ton nani bagwi amchai ni no tong nai Priyashish malakar, sawpan nath tei Dhirendra nath ni mwngui ah khorok tham sikla ni phasing khorok nwi adong borok se khokha manwi hwnui sawi rikha abo hai khe no kok silsamwng khwlai kha amchai ni loku rok. abo simiya ah khorok tham sikla no 30 thousand’s rang rwna ni bagwi sanlai mwng bo khwlai kha CPIM ni adong Nirendra nath. abo no twi kami ni tong nai loku rok jolia lai jak. tei khak sa phasing khe ah khok jak mani pati mwng ni ulni salo police ni swmg mwng bai khorok nwi adong ni sep bai Bipul tei tubwi cement water plantation o tubwi tonwi rikha, amchai ni loku rok saklai kha tabuk phano kaham khe samwng chengjakya kho abo ni bising o manwi khokjak mani pati mwng pati kha, samwng rok kaham khe da ung nai hwnui swng mwng amchai ni loku rok ni bwkhak twi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
