Teliamura bwkhaste bai khobjak Krishnapur bidhansabha kendra o Bramma chara Anganwary center swnamwi rina bagwi ah jora ni yakchi haphang no thai rikha amchaio tongnai Fani bhushan Sarkar mungwi khorok sa borok. Ah jorao thai rimani bagwi nukungni khorok sa borok no Anganwary center o sebok rikha, phiyabha sal kisa swkangno je borok Anganwary center o sebok mankha, bo ritered wngmani yagulo no joto jwngjal wngmani nukjakha. Koktwmao saimankha, sal kisa swkang Anganwary center o interview riwi amchaini no tei khorok sa bwrwi sebok mankha. Phiyabha abono no maniwi naharwi manliya Fani Bhushan Sarkar ni nukhungni borok rok. Borokni nukhungni sanmung Fani Bhushan Sarkar ni nukhungni hamjwk Pramila Sarkar no o center sebok ma rinai. Hayakhe borok anganwary center kholokna rigalak hinwi sakha. Abohai khe no sangrong salo kerongni raida no maniya karwi anganwary center no kholokna riliya Fani Bushan Sarkar ni nukhung ni borok rok. Patimungni koktwma manwi patimung thaio thangwi sagwikha amchaini panchayat pradhan no khobui BJP ni ojama rok. Aboni yagulo ah anganwary center no phiyogwi rikha panchayat ni pradhan tei bjp ni ojama rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
