Hakotor ni joto tiprasa bosongno borom rina bagwi tei borok ni hamkrai ni bagwi thanai 15 november ni Janjati Gaur day o kaisa nangkukmani projects no sakhwlairikha hakotor ni montri bokhorok Narendra Modi. Ah projects ni mung rijakha ‘Pradhanmontri janamon projects’. Kwbangma tiprasa rok no oh projects no twiwi sawino manya, aboni bagwi tiprasa rok no oh projects no twiwi sai manrina bagwi no phasalo kokthum panda khwlaiwi swbai sukurwbwi sai khwna rikha haste ni tiprasa hakmrai tei minority tangbedekni montri Sukla Charan Noatia, Asalni kokthum pandao montri teibu sakha, haste ni tiprasa bosongni lukorog hamkrai ni yak kakjak, phiyabha haste o BJP haphang kha-mani yagulo haste eba hakotor ni kubuni S.T catagory lukorog ni hamkrai ni bagwi sak tharwi samung khwlaiwi tongo haste haphang tei kendra haphang. Aboni bagwi no 24 crore rang swbainai oh projects o hinwi sakhwlairikha kendra haphang. Asalni kokthum pandao manjakha Santirbazar bidhansabha kendra ni MLA eba TRP tei PTG tangbedekni tangphang. Khursathai kwlaio hakotor ni 18 haste-o oh projects no thepajakha hinwi saimankha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
