Julybari bidhansabha kendra o kwplai wngmani yagulo no Julybari bidhansabha kendra ni hamkrai ni bagwi sak tharwi samung khwlaiwi tongo ah kendra ni MLA eba haste haphangni minority tei tiprasa hamkrai tangbedekni montri Sukla Charan Noatia. Lama swnamnani simi chengsawi, nog brom brom nungjaknai tuini sep sap, Bata no khobui joto no riwi tongo Julybari bidhansabha kendra ni lukorog no. Phiyabha kebo kebo samung sitra tangnai rok lukorog no oroi poroi khwlaina bagwi tei montri Sukla Charan Noatia ni mung hamya khwlaina bagwi montri no kebengwi social media twi kebengmung phunugwi tongo. Phiyabha ah kebengnai rok no kokpirokna bagwi phasalo Julybari bidhansabha kendra bai khobjak Avangachhora kami no naina thangwi aro ni lukorog ni thani montri ni chaitokma bai khwlaijak kwbangma hamkrai ni samung bwtang rok no khwnana bagwi chaitokha gram panchayat ni vice-chairman Jhailafru Mog. Asalo Julybari bidhansabha kendra ni MLA eba montri Sukla Charan Noatia ni kwbangma hamkrai ni samung khwlaimao belai no kha-phurlaijak amchaini lukorog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
