Phekjaknai manwi ni bania khwlaina bagwi kwtal kwtal system rutugwi tongo bania khwlainai rok. Tabok khe Churaibari national highway twi bania khwlaiya, Kadamtola thana bai khobjak kaisa lama twi sidi kwran ni bania khwlaiwi tongo. Assam police bai romjakha Tripura haste ni khorok tham sidi kwran ni bania khwlainai. Koktwmao saimankha, swrang salni horo Kukital rubber bhavan amchaio TR05D/0655 number ni khungsa malkhungo checking khwlaiwi 15 kg sidi kwram mankha Assam police. Aboni logi Sanjoy Debnath, Sankar Paul tei Nirupam Nath mungwi khorok tham sikla no romkha. Assam police ni bwkhak twi saimankha, Sanjoy tei Sankar no nog Agartala doly-o hinwi, Tei Nirupam ni nog salgwra hangkhor ni Dharmanagar o hinwi sakha. Borok no kebengwi NDPS mamla khwlaiwi naicherwi tongo Assam police. Tei sangrong salo borok no Karimganja hangkhor ni daira dorbar nogo tisajaknai hinwi saimankha
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
