Pradhan montri TB mukta bharat abhiyan ni wngwi hangkhor sakham tei nukhung hamkrai samiti tei TCS officer association ni luajimung bai swrang salo Mohanpur Kolkaliya amchaini mundapara o songchajakha kaisa sak naikolmung panda. Asalni pandao nogorai okra wngwi manjakha amchaini MLA eba haste ni phereng tei hukbar tangbedekni montri Ratan Lal Nath. Asalni pandao beram manjak lukorog no magwna bithi berem bakkha. Asalni sak naikolmungo kubuni montri bo check khwlaijakha. Asalni pandao kok narukna thangwi hukbar montri Ratan Lal Nath sakha, haste ni lukorog ni nungjaknai tui, ration ni manwi khwnwi, nogni joto manwi khwnwi no haste lukorog no riwi tongo haste haphang, phiyabha abo joto ni logi lukorog ni sak no twiwi bo hujak tongna nangnai. Aboni bagwi no TB beram no twiwi lukorog no hujak khwlaina bagwi no oh sak naikolmung panda songchajakha. Swkango TB beram manjak lukorog no sak naikoljaknani bagwi talbrom no 500 khwlaiwi rang rijagwi tongo, phiyabha tabokni BJP ni jorao TB beram manjak joto lukorog no talbrom no 1 thousand khwlaiwi rangni chubachu khwlaijagwi tongo. Phiyabha aboni sai kaisa koktwma wngkha, asalni sak naikolmungo je lukorogni TB positive beram manjakha, borok no haste haphangni logi logi TCS officer association ni bwkhak twi talbrom no 1 thousand khwlaiwi rang rijaknai hinwi sakhwlaijakha.Asalni pandao TCS officer association ni bwkhak twi amchaini joto nukhungni lukorogni yagu kaham chamungni manwi khwnwi tei kambal bagwi rikha montri Ratan Lal Nath
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
