25 december salmario jishu ni achaima sal, jishu ni achaima sal no kitingwi hayung gwnagui no christmas day ni mwngui palai laio. abo no kitingwi kokti sal ni hor kwthug o rajakhor aguli bai khobjak mariam nagar church o prayer meeting songsa jak kha, kokti salni hor kwthug ni simi no baji permani logi oh cake rawi tongthoklai kha christian dharma ni joto thai ni loku rok. ah christmas no kitingwi tang salo mariam nagar church o thangkha montri okra Dr.Manik saha, bono logi rikha haste bidhansabha ni speaker eba khayerpur kendra ni MLA Ratan chakraborty bo. panda songsa jak mani logi logi no cake rawi joto bai no christmas palai lai kha montri okra.abo ni ulo kok narugna phuru bo saklai kha, hayung gwnagui no tong kwchang habar kiphilwi rwna ni bagwi jishu christ achaikha, tabuk ni haste hapang bo haste o tong kwchang habar rwna bagwi samwng khwlai tong kha. bharat hakotor ni bising je kaisa slogan tong o, ah slogan no mwitu khwlawi montri okra saklai kha, christmas simi christian dharma loku rok ni bagwi ya, ah ter o joto dharma ni loku rok no joto thai ni simi phawi manjak phai manjak phai o. ah salo panda pawi church berainaikha montri okra Dr.Manik saha, abo ni logi joto loku rok no tong kwchang habar ni bising twi panda palai na bagwi kobok mwng khwlai kha montri okra.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
