Koktisalo Hariyana ni hukbar khwlainai rok no twiwi Loharu Bibani o kaisa annadata sammelon songchajakha. Asalni pandao manjakha BJP Hariyana ni haste pravary eba MP Biplab Kumar Deb, Hariyana ni montri okra Monoharlal Khattar, Loksobha ni MP Nayab Singh Seni no khobui kubuni adongrok. Asalni pandao kok narukna thangwi parliament o congress ni bwkhak twi bharat hakotor ni vice-president Jagdeep Dhankar no bengai no twiwi kok sakha Biplab Kumar Deb. Bo teibu sakha, Hakotor ni vice-president Jagdeep Dhankar khorok sa hukbar khwlainai khwlainai ni sajwla. Aboni bagwi no bono twiwi lachima sinsa video khwlaikha congress ni ojama Rahul Gandhi. Sudu abo simi ya, kaisa jorao hakotor ni kwcham montri bokhorok Charan Singh, bono bo lachima sinsakhe montri bokhorok ni achukthai ni narwi rikha congress. Aroni simi no swrai swrai khe nukjakha je, congress bodol rok hukbar khwlainai rok no borom riya. Phiyabha BJP bodol jattpat no twiwi bodol swnamjakya, capable no twiwi se BJP bodol swnamjago. Asalni pandao kwbangma hukbar khwlainai rok phaiwi manjakha, hakotor ni hukbar khwlainai rok montri bokhorok Narendra Modi ni lukohamkrai projects ni bwkhak twi hamari manwi tongo tei 2024 bisi o hai no hai Narendra Modi no montri bokhorok wngwi naina muchungjago borok.
Bangladesh ni habarno twi Joe Biden bai phone twi koksakha Modi
Sal nwi swkang Poland tei Ukraine o beraina bagwi thang mani montri bokhorok Narendra modi.hakotor o kiphilmani ulo no montri...
