Koktisalo chopsa samung bwtangno twiwi salgwra Tripura hangkhor o thangkha MP Rebati Tripura. Asalo Kadamtola panchayat samatini conference hall o Kadamtola block ni joto self help group ni bwrwi rok no twiwi kaisa koklam panda songchajakha. Asalni panda o borok no karwi bo manjakha Kadamtola hamkrai tangbedekni officer Pranoy Das, Kadamtola block amchaini chairman Subrata Deb no khobui TRML ni officers rok bo manjakha. Asalni pandao kok narukna thangwi MP Rebati Tripura sakha, Bwrwi rok sak baithangno bhachawi manrina bagwi no kendra haphang tei haste haphang ni bwkhak twi nangkukmani yapri naharjakha. Self help group ni bising twi lakh lakh bwrwi rok sak baithangno bhachawi manwi tongkha. Oh self help group ni bising twi bwrwi rok no training khwlaijagwi tongo. Training paimani yagulo kwbangma manwi swnamwi phalnani bagwi haphang ni bwkhak twi chubachu khwlaijagwi tongo. Asalni pandao Kadamtola block amchaini dol nwi self help group ni bwrwi rok no rangthongni chubachu khwlaijakha. Asalni panda paimani yagulo Kadamtola block ni salgwra fullbari amchaini Mamon enterprize mungwi agar industry no naina thangkha MP. Aro thangwi Agar bania khwlainai rok bai koklam salaikha bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
