Thanai sal kisa ramwi Teliamura no khobui haste ni kwbangma thai twi Bangladesh ni borok rok Tripurao hamya raida bai habwi tongo. Chasalni horo huijak koktwma ni bising twi khorok chi nwi bangladeshi no romkha Teliamura thanani police. Koktwmao saimankha, Chasalni horo Teliamura thanani police ni thani koktwma sokphaikha je, Teliamura city ni khungnwi nukhungo Bangladeshi rok phaikha. Aboni yagulo chasalni horo ah khungnwi nogo thangwi bangladeshi rok no romkha Teliamura thanani police. Aroni bisingo maximum borok no Assam haste ni hinwi sakha borok. Borok ni yagu borok ni doccument bo tongo, tei joto doccument Assam haste ni no hinwi sakha police. Phiyabha borok ni kok samao tei doccument o doubt tongo hinwi sakha police. Aboni bagwi teibu kaham khe naicherjaknai hinwi sakha police. Tei baisa bwkhak ah khorok chi nwi bangladeshi romjaknai rok ni bisingo khorok sa borok koktwma thumnai rok ni bwskango sakha je, bini nog Bangladesh ni Gopal ganja-o. Tei Bharat o phaikha bania ni bagwi. Tripura o richum phalo hinwi sakha bo. Tei mungsa doccument no karwi no bharat o hapkha bo. Romjaknai rok ni yagu mungsa proper doccument kwrwi no karwi no bharat o hapkha, aboni bagwi borok no kebengwi nangkukmani yapri naharjaknai hinwi sakha police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
