Salgwra Tripura hangkhor ni Dharmanagar city ni hukumu -rwkjak Hari mondir o manwi khoknai khorok sa sikok no romkha Dharmanagar thanani police. Koktwmao saimankha thanai kwrak salni horo Dharmanagar city hukumu-rwkjak Hari mondir o manwi khokkha sikok bodol. Aboni yagulo swrang salo patimung thaio thangkha hangkhor police super Bhanupadh Chokroborty no khobui Dharmanagar thanani police rok bo. Forensic team tei dog squared bo tubujakha aro. Mondir ni adongrok ni bwkhak twi swimung bwlai bai mamla khwlaijakha, aboni yagulo mondir ni CCTV footage naiwi, asalni sarikphango salchi Kadamtola amchaini simi Ambar Ali mungwi khorok sa sikok no romkha police. Bini yagu rangchak, rang tei manwi khokmao use khwlaimani manwi khwnwi rok mankha Dharmanagar thanani police. Sangrong salo oh sikok no Dharmanagar ni dorbar nogo rahorjakha tei police remand oh twlangwi bono kok sungkha. Bini khuktwi paithago saimankha, bini logi Assam ni khorok sa khorok nwi sikok bo tongo hinwi saimankha. Aboni yagulo no Dharmanagar thanani police ni kaisa bodol Assam ni Karimganja hangkhor ni Baroigram police ni chubachu bai amchaini khorok sa sikok ni nogo kwbangma manwi khokmani manwi khwnwi mankha, aboni logi hari mondir o manwi khokmani manwi khwnwi bo mankha hinwi sakha police.Patimungno twiwi police super sakha, Assam o thangwi kisa misa manwi khokmani manwi mankha, aboni logi police thangmani koktwma manwi khorok nwi sikok kharwi thangkha. Borok no dakti no romnai hinwi sakha police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
