Tripura ni Industry tei Commerce tang bedek no teibo kwchug o karwna ni bagwi joto nono thansa khe samwng khwlai nani nang nai. tang bedek no teibo kwrak ung nani nang nai.kaham hamkwrai ni bagwi’ek bharat,sresta bharat’khwlaina bagwi haste hapang ni bwkhak twi kwtal sebok man nai rok no pha salo abo hai khe no kok samani nukjak kha Tripura hapang ni industry tei commerce tang bedek ni montri Santana chakma.secretariat ni 2 no. conference hall nogo songsa jak mani panda o montri ni yak bai no JRBT group-c amjwk mwng o kwplai ung mani khorok tham chi nwi sebok man nai rok ni yago appointment letter yapharwi rikha pha salo. lai thanai 13 september sal mario phologwi rwjak mani JRBT group c tang bedek ni mwng rok. phologwi rwjak mani 1 thousand’s 980 jona loku rok ni mwng. Industry tei Commerce tang bedek ni LDC thai ni bagwi haste hapang ni bwkhak twi pha salo appointment letter rwkha khorok tham chi nwi loku rok no. ah salni panda o phawi manjak phai kha industry tei commerce tang bedek ni sachib Kiran kumar gitye tei Sawpna debnath, kaham khe no naikolwi joto phasing twi samwng khwlai tong kha haste hapang hwnui sakha montri Santana chakma. lai thanai 13 september salmario o JRBT group c ni mwng rok phologwi rwjak mani ulo appointment letter buphuru man nai nasingwi tong mani sebok sikla sikoi rok, paithago borok ni emang soi ung kha.
