Haste ni kai tham tang bedeko naikol mwng nahar mani ulni simi no tang bedek rogo hamya samwng mwthag nani bagwi loku rok no kaham sep rwna ni bagwi samwng khwlai tong kha haste ni malmata, ahh tei tapashili jati kalyan tang bedek ni montri Sudhangshu das. tal tham lawi lawi haste ni joto hangkor ni malmata, ahh tei tapashili jati kalyan tang bedek ni okra naikol nai rok no twi achuglai mwng khwlai tong kha bo. kwrak salo salsi hangkor ni achuglai mwng o thnagwi manjak kha montri Sudhangshu das. ah salo salsi hangkor belonia circuit house ni conference hall o songsa jak kha achuglai mwng. ah salni achuglai mwng o tapashili jati kalyan , malmata tei ahh tang bedek ni salsi hangkor ni joto naikolnai rok no twi hangkor ni MLA song bo phawi manjak phai kha. sathai kwlai o ah kai tham tang bedek bai khobjak kendriya tei haste hapang ni joto samwmng bwtang rok ah hangkor ni bagwi samwng bwtang bwsuk jora twi samwng ungkha abo no twi bo kok salai kha ah sal ni achuglai mwng o. sathai kwlai o, kami hatai ni loku rok hoda rogo eba rang aji nani lama rogo malmata, ahh, tapashili jati kalyan tang bedek ni bwkhak twi kwbangma samwng bwtang bai kami hatai rogo sebok sikla sikli rok kaham sep man nai.ah samwng bwtang rok kaham khe manwi da tong abo no twi achuglai mwng khwlai sai mankha, office rogo achugwi gosi mwng ta nawi, ah gosi mwng rok no bwsuk joratwi kaham ungkha abo no twi bo achuglai mwng khwlai kha hwnui sakha montri Sudhangshu das. sathai kwlai o haste o jot hangkor o sal nwi romwi songsa jak kha achuglai mwng, sal nwi ni bising o puila ni salo tong nai achuglaimwng tei abo ni ulni salo khe field visit. abo ni bagwi no swrang salo salsi hangkor malamata, ahh tei tapashili jati kalyan tang bedek ni samwng rok naina bagwi thang nai montri Sudhangshu das.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
