Haste lukorog kaham khe no sai mankha, BJP bodol no karwi kebo hamkrai ni samung khwlaiya, aboni bagwi haste ni kwbangma thai ni lukorog BJP bodol ni bana romlaikha. Tangsalo BJP janajati morcha ni luajimung bai Kanchanpur ni Dasda hati o songchajak pandao manjagwi koktwma thumnai rok ni bwskango abohai no sakha pradesh BJP ni president Rajib Bhattacharya. Joto no kwthalaiwi ek Tripura shreshtha Tripura swnamnani bagwi phainai 2024 bisio montri bokhorok Narendra Modi ni yak no teibu kwrak khwlaina bagwi haste ni kainwi seat no montri bohorok no gift rina bagwi no sak tharwi samung khwlaiwi bo hinwi sakha. Asalni pandao manjakha haste ni tiprasa hamkrai tangbedekni montri Bikash Debbarma. Asalni pandao 298 nukhungni 1100 voters rok kubuni bodol yakarwi BJP bodol ni bana romkha. Borok ni yagu BJP bodol ni bana yapharwi borok no lamsogwi naharkha pradesh BJP ni president tei janajati hamkrai tangbedekni montri.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
