Nukhungni manwi khwnwi ni bising twi sidi ni bania khwlaiwi tongmani nukjakha. Salbrom no nukhungni manwi khwnwi ni bising twi haste ni simi phatar haste o sidi kwran twlangwi tongo bania khwlainai rok. Phiyabha police ni chaitokma bai ah system rok tabok flop wngkha. Tangsalo kaisa kwtal system bai Agartala ni simi phatar haste o sidi kwran twlangna thangwi Churabari police ni thani romjakha khungsa sidi kwran twijak contenar malkhung. Abono twiwi salgwra Tripura hangkhor ni police super Bhanupadh Chokroborty sakha, tangsalni phungni dak chi jorao AS28JC-0792 number ki khungsa contenar malkhung Agartala ni simi Delhi o thangmani jorao Churaibari checking point o romjakha. Puilao police rok wansugwi sudu manliya, tamoni hnk? nukhungni joto manwi khwnwi tongmani bagwi, phiyabha aboni yagulo kaham kwrwngkhe malkhungno naichermani yagulo paithago 150 KG sidi kwran mankha police. Bini hati dor 25 lakh wnganu hinwi sakha police super. O patimungo malkhung Mojibur Ali tei assistant driver Jahangir Alam no romkha. Borok khorok nwi ni nogh Assam ni Bangaigao hinwi saimankha. Tabok borok no kebengwi NDPS mamla khwlaikha police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
