Haste o bjp haphang khamani yagulo Tripura haphangni topsilijati hamkrai, aah tei maalmata hamkrai tangbedekni samung bwtang rok no kaham kwrwng khe khwlairina bagwi chaitogwi tongo haste topsilijati hamkrai, aah tei maalmata hamkrai tangbedekni montri Sudhangshu Das. Salbrom no bini tangbedekni bai khobjak habanog rogo thangwi naicherwi tongo bo. Montri ni barja naharmani yagulo waire wai no binni tangbedekni officers rok no twiwi koklam panda khwlaiwi tongo bo. yaksi haphangni jora ni simi samungo faki rimani boyer no swlaina bagwi chaitogwi tongo montri. Phasalo bini tangbedekni habanogo naicherna thangkha montri Sudhangshu Das. Tangbedekni officer Niraj Kumar no twiwi Kumarghat ni maalmata hamkrai tangbedekni sakham nogo thangkha bo. Ah habanogo thangwi belai no wanajakha bo. Registration bai bithi berem ni mungsa bo mil kwrwi ah sakham nogo. Abohai situation no nogwi belai no jolijagwi habanogni officers rok bai koklam salaikha montri. Abohai patimungno twiwi naicherna bagwi tangbedekni tangphang rok no dagikha bo. Salnwi ni bagwi sakham nogno tala thepawi rikha bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
