swrang salo madhya pradesh ni wai chichukuni montri okra wngwi barja yachak kha BJP MLA Mohan Yadav. Shivraj singh chowhan ni jagao tabok mohan yadav no montri okra ni achukthaini bagwi chonghorwi nahar kha BJP bodol. ah salo bini logio yakchu momtri wngwi barja yachak kha Jagadish Devda tei rajendra shukla. ah salo kubuni montri rogni mung saklaijakliya. phiya koktwmao saimankha bodol ni ojama rog koklam khwlaima yagulo kubuni montri rogni mung saklaijakni. ah salo pandao manjak kha montri bokhorok narendra modi , home minister Amit Shah , BJP bodol achukphang JP Nadda tei kubuni ojama rog. pandao madhya pradesh hasteni kwcham montri okra Shivraj singh chowhan bo manjak kha. koknarwkma jorao bo sakha , hasteni kwtal montri okra hasteni hamkwrai ni bagwi sak tharwi samung khwlainai hinwi bo puito khwlaio hinwi sakha bo. kwtal montri okra Mohan Yadav sakha , montri bokhorok ni phunukjak lamao himwino bo hasteni hamkwraini bagwi samung khwlainai hinwi. khursathai kwlaio madhya pradesh ni kai nwi ra thamchi eba 230 ta seat ni bisingo bebagwi kai sara dok chi tham eba 163 ta seat oh kwplai wngwi haphang swnam kha BJP bodol. tei kai dok chidok seat mankha congress bodol.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
