Hangkor naikolnai ni malkhung bai thutawi langma arikha bwsajwla, sal tham saknaikol mwng khwlawi rwjak mani ulo rajakhor aguli ni GB.sakham nogo kwrak salni diporo langma arikha bupha ni. abo hai pati mwng o kha khamlai jak amchai gwnagui no. umar sini bisi ni bwsajwla Joydeep no twi cha salo sradha ni invitation khwlai na bagwi ongkhor mani belonia bharat chandra block ni salgwra kalabaria kami panchayet amchai ni tong nai Uttam pal. nogo kiphil mani jora o barapathari garjania BSF camp gana amchai o khung sa malkhung no over take khwlai na bagwi thang mani o atomsa khe salsi hangkor naikolnai Saju Wahid ni malkhung bai thutai kha Uttam pal ni bike. ah thutailai mani o belai khe no sago dukhu man kha umar sini bisi ni bwsajwla Joydeep. logi logi belonia sakham nogo twlang thang khe aro ni saknaikol nai rok cherwi no tei mwthangwi manliya, sago dukhu man kha bupha Uttam pal bo.phiya ba puila Uttam pal no santir bazar bwkhaste sakham nogo twlang thang khe aro ni saknaikol nai rok thanai 9 december cha sali horo rajakhor aguli ni GB. sakham nogo refer khwlai rwkha. phiya ba sal nwi romwi saknairwjagwi tong phano tini langma arikha bupha Uttam pal ni. sal kisa ni bising o no thwi thang kha khung sa nwkhung ni khorok tham borok. umar sini bisi ni Joydeep pal thwi mani koktwma manwi salsi hangkor naikolnai Saju Wahid 30 thousand’s rang chubachu rwkha hwnui sakha thwi thang nai Uttap pal ni buphayung. bwsai tei bwsajwl thwi mani pati mwng o belai khe no kha khamlai jak bihik. tabuk mwng sa suk rang aji nani lama khwlai rwna ni bagwi aalsi hangkor Saju Wahid ni thani kwrak salo kobok mwng khwlai kha thwi thang nai ni buphayung, mwng sa suk sep manya khe administration ni thani thang nai hwnui sakha bo. abo hai pati mwng o kha khamlai jak belonia bharat chandra block ni salsi kalabaria kami panchyet gwnagui.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
