Tabuk ni haste hapang swnam jak mani ulo haste no teibo kwchugo twlang nani bagwi kaisa ni ulo kaisa samwng bwtang naharwi tong kha haste hapang. joto ni swlai haste ni sakham ni naikol mwng no teibo bobo hai khe kaham khwlai man nai ayang phasing naharwi no samwng khwlai tong kha haste ni montri okra Dr.Manik saha. tang salo no gomoti hangkor bai khobjak tulamura primary health center quarter complex no songsai rwkha montri okra, kwrak salo teibo kaisa hangkor ni primary health center tei quarter complex no songsai rwkha montri okra. ah salo khowai hangkor gana chebri o bo kaisa kwtal primary health center tei quarter complex songhsai rwkha bo. ah salni panda o montri okra bai phawi manjak phai kha Teliamura bidhan sabha kendra ni MLA jwk eba haste bidhan sabha ni okra naikol nai Kalyani saha roy, kalyanpur bidhan sabha kendra ni MLA Pinaki das chowdhury tei sakham tang bedek ni kwchug thai ni samwng khwlai nai rok. sathai kwlai o, haste ni kami hatai ni loku rok saknaikol mwng ni bagwi aguli rogo phai nani nangya twi abo hai sep nahar kha hwnui sakha montri okra. Abo ni logi bo saklai kha, haste ni loku rok ni hamkwrai ni bagwi dal bidal samwng bwtang nahar kha haste hapang ni bwkhak twi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
