Gandachara Sarma fishery habanog ganani girls hostel o bisi sni ramwi hostels ni super ni barja no samulogwi tongmani Surjya Prava Chakma. Ah jora ni bisingo no bo rwng swrwngnaijwk rok bai kaham swnamwi tongkha, tei rwngnogjwk sngno bwma hai khe no hamjak riwi tongo bo. Rwngswrwngnaijwk sngno bwma bwpha ni biyal khwlaiya karwi sak tharwi samung khwlaiwi tongo bo. Aro ni bisingo no tangsalo TTAADC rwng bedekni bwkhak twi kaisa sakhwlaimung sokphaikha je, tangsalni bisingo no bo oh hostel yakarwi kubuni hostel o ma thanai. Tangsalni sarigo bo hostel yakarwi thangnani bagwi bini manwi khwnwi pack khwlaiwi tongmani jorao hostel ni rwng swrwngnaijwk sng bini nogo thangwi sungwikha, ng biyang thana nai hinwi? aphuru bo sakha, rwng bedekni bwkhak twi sakhwlaimung phaikha, bono kubuni hostel o senani bagwi. Hostel ni super ni khogo abohai kok khwnawi wanalaijak swrwngnaijwk sng. Hostel ni joto swrwngnaijwk sng kha khamjagwi kaplaikha. Aswk kotor sakhwlaimungno borok maniwi manliya borok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
