Tripura haste ni tourism tangbedekni hamkrai ni logi cricket ni hamkrai ni bagwi chubachu khwlaina bagwi haste ni tourism tangbedekni brand ambassador eba indian team ni kwcham captain Sourav Ganguly no koikha haste ni montri okra Dr.Manik Saha. Tangsalni horo montri okra ni tongthai nogo bo bai malaikha Sourav Ganguly. Asalni malaimungo thanglaisu tangbedekni montri Sushanta Chowdhury no manjakha. Koklam salaiphuru haste ni montri okra Dr.Manik Saha haste ni tourist center Trishna sanctuary oh phainai salo thana bagwi koikha Sourav Ganguly no. Tourism tangbedek tei cricket no twiwi koklam salaikha borok. Haste ni cricket songstha bai gwdaljak tabok ni montri okra bai swkangni simi sinilaio hinwi sakha Sourav Ganguly. Tripura tourism ni brand ambassador wngmani yagulo salnwi ni bagwi Agartala o phaikha Sourav Ganguly. Kwrak salo Gomati hangkhor ni Chabimura tei Ujjayanta palace o promotional shot khwlainai Sourav Ganguly. Haste ni montri okra Dr.Manik Saha haste ni tiprasa bosongni hukumu mukumu-rwkjak risa tei sokat yapharwi Sourav Ganguly no borom yapharkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
