Hakotor ni phil sni chi sni bisi pungsama salno kitingwi Ambedkar Matri Mission tei Indranagar ni Ambedkar seva songha ni luajimung bai songchajak kaisa panda ni bising twi kwrak salo hoda ni kwrwi nukhungni lukorog no richum bakkha haste ni montri Shudhangshu Das. O panda o manjakha haste Ahh bedek, maalmata hamkrai tei tipra hamkrai bedekni montri Shudhangshu Das, Agartala municipal corporation ni corporator Shampa Sarkar, Indranagar seva songha ni editor Nepal Chandra Das no khobui kubui ni adongrok. Asalni panda ni paithago montri Shudhangshu Das sakha, ah jorao Dr.B.R Ambedkar untouchability no kebengwi hoda no kaham khwlaina bagwi nangkukmani yapri naharkha tei lukorog ni bisingo seva khwlaimungni wansukmungno thangsarina bagwi je raida no chongwi naharkha, ah raida no bwskango toniwi tabok ni hoda no hujak khwlaina no khobui, hoda no teibu kaham khwlainani bagwi Ambedkar Matri Mission tei Ambedkar seva songha ni luajimung bai yapri naharjakmano borom yapharkha bo, tei borok ni ah yapri, hodao kaisa kaham swrwngmungni boyer tubunai hinwi kha khwlaikha montri.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
