Hakotor o black money no kasuna bagwi 500 tei 1000 rangni note no batil khwlainani bagwi sakhwlaimani montri bokhorok Narendra Modi. Aah jora o montri bokhorokni oh yapri naharmano belai no naslemung phunukkha congress bodol. Tabok congress ni MP Dheeraj Sahu ni nogo tabokswk jora 352 crore rang mankha income tax department. Phiyabha tabok fano rang goni baiyakhu. Baisa bwkhak congress ni MP ni nogo almari kopolong rangni mangpili viral wngkha, aboni logi kwcham kaisa twit no nukjakha. 2022 bisi o twit khwlaimani bo. Bini nogo 352 crore black money huijak tongmani bagwi no, 2022 bisio ah jorao black money no twiwi kok sakha bo. MP Dheeraj Sahu sungmung tisakha je, note batil khwlaimani yagulo bo biyangni aswk black money phaikha? Aboni kok pirokmung tabok fano manyakhu, phiyabha tabok MP sak baithangno bini kok sungmungno mwkthang khwlaiwi rikha. Bini Jharkhand tei Odisha ni nogo 352 crore rang mankha. Aah rangni kokpirokmung lukorog bo tabok fano manyakhu. 2022 bisi ni 12 august ni salmario Jharkhand ni congress ni MP Dheeraj Saha twitter o swikha,” Note batil khwlaijakmani yagulo bo aswk kwbangma black money biyangni phaikha, abono nogwi ani belai no kha khamkha. Ang bhuchiwi manya lukorog ni yago biyangni aswk black money phai? bo teibu sakha congress bodol no hakotor ni Corruption no swkamwi manai. Jharkhand ni MP Dheeraj Sahu ni nogni 352 crore rang manmani yagulo BJP ni IT cell ni tangphang Amit Malviya aah post-no screenshot naharwi post-khwlaiphuru swikha,’ mister sahu ni Deep sense of humor tongo” aboni logi hashtag o swikha bo, corruption ni phalnog”. Aswk kwbangma rang manmani yagulo BJP ni bwkhak twi CBI ni naichermung sankha. Tei baisa bwkhak congress bodol tabok fano siring siring.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
