Congress bodol rok hakotor ni Economic infrastructure no twiwi kok sanai rok, aah congress bodol ni khorok sa MP ni nogo no 300 crore rang mankha Income tax department. Congress MP ni nogo aswk no rang mankha je thanai saltham ramwi rang gonimani yagulo bo goni baiyakhu incame tax department. Aah rang gonina bagwi kwbangma mechine nangkha-chasalo pradesh bjp ni habanogo kokthum panda khwlaiwi congress bodol no kolkha pradesh BJP ni president Rajib Bhattacharya. Khursathai kwlaio thanai swrang salo congress ni MP Dhiraj Saho ni nogo chopropgwi kha. Aro almari kopolong rang mankha income tax department. Swrang salni simi aah rang manmano mechine tubuwi gonina chengkha income tax department. Phiyabha saltham laimani yagulo bo tabok fano rang gonibaiyakhu. Chasal jora 300 crore rang gonikha income tax department, phiyabha tabok fano paiyakhu hinwi saimankha. O patimungno twiwi wanalaijak hakotor ni thwngrwng habar, phiyabha abono twiwi mungsa kok sakha congress ni ojama Rahul Gandhi, Sonia Gandhi, Tei Mallikarjun Kharge. Congress ojama rok siring siring tongmao abono prove khwlaio je, sudu siraj ni nogo simi ya, teibu congress ni ojama sngnirobo lukorog ni rang tongo hinwi sakha. hakotor ni lukorog ni rangno sak baithangni rang swnamwi tongo congress rok. Oh mamla bai gwdaljak rok no rutugwi tikhalaiwi lukorog ni rangno kiphilwi rinai hinwi gurantee rikha hakotor ni montri bokhorok Narendra Modi. Oh Dhiraj Saho no Rahul Gandhi ni sampili hinwi sakha pradesh bjp ni president Rajib Bhattacharya.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
