Teisa kebeng nai rok ni phasing hamya samwng ni kok silsamwng khwlai kha montri bokhorok Narendra modi. tang salo madhya pradesh ni rajakhor bhopal ni C.M.rise government mahatma gandhi rwng nog kotor o kwtal rwng phwrung nai rok ni bagwi swngrwng mwng tei cum-orientation program o kok narug na phuru abo haimkhe no kok sakha montri bokhorok Narendra modi.panda o kok narug na phuru montri bokhorok saklai kha,cherwi naikolwi saimankha kwbangma phasing twi no samwng kaham ungwi tong kha,tong kosong loku rok kaham hamya joto no sai man tong kha twruk twruk khe, abo ni bagwi no hakotor ni economy 2014 bisi o kai chi thai o tong mani tabuk khe kai ba thai o phawi sokphai kha,bini sanlai mwng 2014 bisi ni swkang hamya samwng rok khwlawi kwrung nwkhung ni thani rang kwbang nahar mani,abo ni logi teibo sanlai mwng,modi hapang ung mani ulo habar rok teibo swlai jak kha,abo no twi bo kaisa niti ayog ni report tisai phunok kha. ah report ni kahai lai thanai bisi ba o bharat hakotor o 13.50 crore loku rok BPL ni simi yogwi phai kha.montri bokhorok ni teibo sanlai mwng,hapang ni bwkhak twi account o rang rohor tong kha,tei tong kosong loku rok ah rang rok kaham samwng rogo no phwnagwi tong kha,abo rok sai manwi Income tax ni mari kwbang ungwi tong kha,niti ayog ni report ni kahai lai thanai bisi chuku o income tax 13 lakh kwbang ung kha.montri bokhorok teibo sakha,Amritkal ni puila bisi o no kaham koktwma phai nai joto ni bagwi.
Bangladesh ni habarno twi Joe Biden bai phone twi koksakha Modi
Sal nwi swkang Poland tei Ukraine o beraina bagwi thang mani montri bokhorok Narendra modi.hakotor o kiphilmani ulo no montri...
