Khorok sa nwkhung ni hamjwk no bwtharwi bolong bising o haa phobwi rwkha bwsai. pati mwng kalyanpur thana gana holudia ADC village ni hajari bari amchai o. thwi thang nai nwkhung ni hamjwk ni mwng jeshmin debbarma. umar nwi chi sini bisi. pati mwng o teliamura bwkhaste police naikolnai Prashun kanti Tripura saklai kha, kwrak sal horni dam chuku o kalyanpur thana o Jeshmin debbarma tei bwsai Mintu debbarma kwmai thang kha hwnui koktwma phawi sokphai kha.abo no twi kwrak sal ni horo no amchai ni dalbidal thai o naitug mwng khwlai kha police phiya ba hor belai ungwi thangma bai naitug mwng tei khwlai liya police. swrang salni phung o police ni thani kaisa koktwma phai kha, Jeshmin debbarma ni mwngui khorok sa nwkhung ni hamjwk no bini bwsai Mintu debbarma bwtharwi bolong bising o haa phobwi rwkha, ah koktwma mankhe no police bolong bising o thangwi naitug mwng khwlawi haa khursawai mankha Jeshmin ni mang kwthui. ah pati mwng ni ulo kwma jak bwsai Mintu debbarma, tabuk bwsai no naitug mwng khwlai tong kha police.amchai ni bwkhak twi saimankha, sal nwi sal tham romwi bwsai tei bihik ni bising o kok banglai tong mani abo ni ukulug o bwsai Mintu debbarma tei khorok sa bai hamjaklai tong o hwnui wasnuk lai tong kha sinai nuknai mohol ni bwkhaktwi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
