Hakotor ni Economic structure ni simi chengsawi joto bwkhak twi no hakotor no kwrak khwlaina bagwi sak tharwi samung khwlaiwi tongo hakotor ni montri bokhorok Narendra Modi. Benificiary rok ni hamkrai ni bagwi tei dalalraj mwthakna bagwi nangkukmani yapri naharkha montri bokhorok- koktisalo nog brom brom kaham naikolmung ni 2.0 projects ni kaisa pandao manjagwi abohai no sakha pradesh BJP ni president Rajib Bhattacharya. Asalo bini logi tongkha Agartala municipal corporation ni mayor Dipak Majumder no khobui kubuni adongrok. Ayushman Bharat ni simi chengsawi Ujjal Yojana, Jaal jibon mission eba Kishan samman nidi- no khobui kwbangma projects ni sep sap hoda ni lukorog ni nog nogo sagwi rina bagwi sak tharwi samung khwlaiwi tongo montri bokhorok Narendra Modi. Abohai khe no samung khwlaiwi tongo haste haphang bo. Tripura haste o chengsawi rijakha Bharat sankalp yatra. Aah samung bwtangni wngwi no kendra tei haste haphangni kwbangma sep sap rok no lukorogni nog nogo sagwi rijaknai hinwi koktisalo sakha pradesh bjp ni president Rajib Bhattacharya. Swkangni yaksi haphangni jorao tongkosong lukorog haphangni kwbangma projects ni sep sap rok manna thangkhe 12 ta juta chamwi thango hinwi saimankha. Phiyabha 2018 bisi o haste o BJP haphang phaimani yagulo joto no swlaijagwi thangkha. Haste ni paithak borok ni nog nogo haphangni projects ni sep sap rok no sagwi rina bagwi sak tharwi samung khwlaiwi tongo BJP haphang. Koktisalo Nog brom brom kaham naikolmung ni samung bwtango manjagwi abohai no sakha Agartala municipal corporation ni mayor Dipak Majumder. Bo teibu sakha, Tiprasa rok ni hamkrai ni bagwi kwbangma projects no twiwi samung khwlaiwi tongo haphang. Hakotor ni 24 haste tei kendra haphang bai naikoljak bebagwi 68 hangkhor ni bisingo chengsajakha Bikasita Bharat Sankalp Yatra. Nog brom brom kaham naikolmungni samung bwtang Tripura haste o bo chengsajakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
