Hukbar bedek tei chamun bedekni luajimung bai haste nwi chitham bwkhaste achukphang tei haste ni kai char hangkhor ni hukbar bedekni officers tei chamung bedekni officers rok no twiwi chasalo kaisa virtually panda songchajakha. O pandao joto ni kok no wansugwi no nangkukmani yapri naharjakha, bisi brom brom ni hai khe no haste ni hukbar khwlainai rok ni yagni mai paijaknai. khursathai kwlaio haste o BJP haphang phaimani yagulo bisi o wainwi khwlaiwi hukbar rok ni yagni mai paijagwi tongo. Abohai khe no hukbar rok ni yakni mai paina thangwi tongo haste haphang. Abono twiwi swbai sukurwbwi sana bagwi chasalo kaisa kokthum panda songchajakha. O pandao manjakha haste ni hukbar tangbedekni montri Ratan Lal Nath, haste ni chamung bedekni montri Sushanta Chowdhury, chamung bedekni secretary Rabel Homendra Kumar, chamung bedekni tangphang no khobui kubuni adongrok. Phainai 11 december ni simi haste rwgwi 49 center o hukbar khwlainai rok ni yagni simi 40 thousand matrick ton mai painani yapri naharjakha. 1KG o 21.83 rupees khwlaiwi mai painai haste haphang. Thanai bisi ni sai takwlai bisio mai paimani dor barimani bagwi haste ni hukbar khwlainai rok takwlai teisa profit wngnai hinwi sakha chamung bedekni montri Sushanta Chowdhury. Oh talni simi phaini 31 january tal jora hukbar khwlainai rok ni yagni mai painai. Melaghar o kaisa center phiyogwi rijaknai hinwi saimankha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
