Tripura haste ni hukbar tang bedekni hamkrai ni bagwi sak tharwi samung khwlaiwi tongo haste haphang. Phiyabha tabok weather swlaijakmani bagwi hukbar tangbedekni hamkrai ni bagwi kwtal wansukmungni yapri naharkha kendra haphangni hukbar tangbedek. Phasalo kaisa pandao manjagwi abohai no sakha Tripura haste ni hukbar tangbedekni montri Ratan Lal Nath. New-Delhi ni NASC Complex o songchajak asalni pandao virtually manjakha montri. Panda paimani yagulo koktwma thumnai rok ni bwskango bo sakha, Organic tei organic farming no twiwi kwbangma manwi khwnwi tubunani sep tongo hinwi sakha. Aboni logi Tripura haste o mai, badam, daal tei Mashroom no teibu kaham khe chas khwlaiwi mano abono twiwi koklam wngkha hinwi sakha haste ni hukbar tangbedekni montri Ratan Lal Nath. Phasalo New-Delhi ni NASC Complex o songchajak asalni pandao manjakha kendriya hukbar tangbedekni montri Narendra Singh Tumor, kendriya hukbar tangbedekni prati montri Sobha Karandlaje, Kailash Chowdhury no khobui kubuni haste montri rok bo manjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
